Ahmednagar Police:
Ahmednagar Police: अहमदनगर: नगर तालुका पोलीस स्टेशन हद्दीमध्ये एकाच दिवशी ८ हातभट्ट्यांवर कारवाई केली. या कारवाईत ४ लाख ७६ हजार ५०० रुपयांचा मुद्देमाल नष्ट केला असून संबंधितांवर कारवाई करण्यात आली.
पोलीस अधीक्षक राकेश ओला यांनी सहाय्यक पोलिस निरीक्षक शिशिरकुमार देशमुख यांना नगर तालुका पोलीस स्टेशन हद्दीमध्ये अवैध हातभट्टी दारुसंबधी कारवाई करणेबाबत सुचना केल्या. त्यानुसार देशमुख यांनी अवैध हातभट्टी दारुवर करवाई करणेकामी स्वत: सोबत येऊन पोलीस अधिकारी व अंमलदार यांचे पथक तयार करुन अवैध हातभट्टीवर कारवाई केली.
पथकाने खंडाळा येथील हातट्ट्यांवर कारवाई केली. तेथे ३३ हजार लिटर कच्चे रसायण नष्ट केले. खडकी येथे ७० लिटर तयार दारुवर करावई करुन ती नष्ट केली. धोंडेवाडी, वाळकी शिवारात एका हातभट्टीवर कारवाई करुन ८०० लिटर कच्चे रसायण नष्ट केले. साकत ४०० लिटर कच्चे रसायण नष्ट केले.
नेप्तीच्या शिवारात दोन हातभट्टीवर कारवाई करुन १३०० लिटर कच्चे रसायण व ५५ लिटर तयार दारु नष्ट केली. पथकाने एकाच दिवशी ८ हातभट्टीवर कारवाई करुन २५ हजार २०० लिटर गावठी हातभट्टी तयार करण्यासाठी लागणारे कच्चे रसायण व १२५ लिटर तयार दारु असा एकुण ४ लाख ७५ हजार ५०० रुपयांचा मुद्देमाल नष्ट केला.
पथकाने युवराज पोपट गिर्हे, गणेश पोपट गिर्हे (रा. खंडाळा), अशोक विश्वनाथ पवार, सुमन संजय पवार (रा. खडकी), उध्दव अनिल पवार (रा.वाळकी), दत्तू महिपती पवार (रा.साकत), मंगल भारत पवार, सुलभा दिलीप पवार (रा.नेप्ती) यांच्यावर कारवाई केली.
कारवाई पोलिस अधीक्षक राकेश ओला, अपर पोलिस अधीक्षक प्रशांत खैरे, उप विभागीय पोलीस अधिकारी संपतराव भोसले, सपोनि शिशिरकुमार देशमुख, पोउनि युवराज चव्हाण, पोउनि रणजित मराग, मसफौ/अमिना शेख, पोहेकॉ/लगड, सुभाष थोरात, मंगेश खरमाळे, मपोना/गायत्री धनवडे, पोकॉ/कमलेश पाथरुट, निलेश खिळे, सोमनाथ वडणे, संभाजी बोराडे, राजू खेडकर यांचे पथकाने केली.
